У Гомелі паводка падтапіла набярэжную цэнтральнага парка (фота)
Узровень вады Сожа ў раёне Гомеля ўжо больш чым на метр перавысіў небяспечную адзнаку.
У горадзе пакрысе расце колькасць падтопленых тэрыторый. Так, вада ўжо насунулася на набярэжную цэнтральнага парку Гомеля і, мяркуючы па ўсім, не думае спыняцца. Пакуль што ў гэтым раёне паводка пагражае толькі забаўляльнай установе “Nemo-club”, што месціцца непадалёку ад ракі.
Апроч таго, вада пашкодзіла і некалькі дамоў прыватнага сектару ў розных раёнах абласнога цэнтра.
Згодна са звесткамі спецыялістаў, уздым ракі яшчэ працягнецца ў бліжэйшыя дні. Праўда, ужо не такімі тэмпамі, як раней.