У Арменіі адбыўся замах на кандыдата ў прэзідэнты
У лідара партыі "Аб'яднанае самавызначэнне" Паруйра Айрыкяна стралялі проста на вуліцы.
Яго паранілі ў плячо, перадае ВВС.
Старшыня парламента Арменіі Овік Абрамян не выключыў, што прызначаныя на 18 лютага выбары прэзідэнта могуць быць перанесеныя з-за гэтага замаху. Паводле канстытуцыі краіны, пры перашкодах для ўдзелу кандыдата ў выбарах дзень галасавання можа быць перанесены на два тыдні.
Цэнтравыбаркам Арменіі раней зарэгістраваў восем кандыдатаў.
Фота — kavpolit.com