Туск і Меркель абмяркуюць "Усходняе партнёрства"
Прэм'ер-міністр Польшчы Дональд Туск удзельнічае ў сераду ў польска-нямецкіх міжурадавых кансультацыях.
Ён плануе абмеркаваць з канцлерам Нямеччыны Ангелай Меркель пытанні "ўсходняй" палітыкі Еўрасаюза і дэмакратызацыі дзяржаў-чальцоў праграмы "Усходняе партнёрства". Пра гэта паведамляе УНІАН са спасылкай на прэс-службу польскага прэм'ера.
Аднак галоўнай тэмай размовы кіраўнікоў урадаў стане бюджэт Еўрасаюза на 2014-2020 гады. Таксама Туск хоча абмеркаваць з Меркель пытанні двухбаковага супрацоўніцтва паміж Польшчай і Нямеччынай.
Фота — Deutsche Welle
