Справу па збіцці наваполацкай кантралёркі разгледзяць у канцы студзеня
Пра гэта Еўрарадыё паведамілі ва ўпраўленні Следчага камітэта па Віцебскай вобласці.
Там нагадалі, што следства па такіх справах цягнецца, як правіла, два месяцы. Інцыдэнт адбыўся 26 лістапада. Кантралёрка Людміла Шахліна працавала на аўтобусным маршруце №2, калі раптам усчаўся канфлікт з пасажырамі. У выніку адзін з іх схапіў жанчыну за валасы. Усё гэта іншыя пасажыры заснялі на відэа і выклалі ў інтэрнэт.
Кантралёрка атрымала цялесныя пашкоджанні і сышла на бальнічны. Хлопец, які ўжыў сілу супраць жанчыны, праз некаторы час сам здаўся міліцыі і правёў тры дні за кратамі. Пазней яго адпусцілі.
