Сёння пачынае дзейнічаць Адзіная эканамічная прастора
У новую структуру ўваходзяць Беларусь, Казахстан і Расія.
АЭП - праект эканамічнай інтэграцыі Мытнага саюза трох краін. Сутнасць яго складаецца ў аб'яднанні мытных тэрыторый дзяржаў-удзельніц. Агульная прастора прадугледжвае вольны рух тавараў, паслуг, капіталу і рабочай сілы.
У рамках АЭП павінна праводзіцца ўзгодненая гандлёвая і валютна-фінансавая палітыка, забяспечвацца раўнапраўная канкурэнцыя.
Да гэтага часу органам кіравання АЭП з'яўлялася камісія Мытнага саюза. Аднак з 1 студзеня гэтыя функцыі пераходзяць да новай структуры – Еўразійскай эканамічнай камісіі. Паступова ёй будуць перадавацца нацыянальныя паўнамоцтвы Беларусі, Казахстана і Расіі, паведамляе БелаПАН.
