Самы антыэкалагічны праект году ў Беларусі — праграма асушэння балот
Пра гэта гаворыцца ў рэзалюцыі форума грамадскіх экалагічных арганізацый, які праходзіў 3-5 чэрвеня ў Бярэзінскім біясферным запаведніку.
Форум сабраў болей за 100 эколагаў з усёй Беларусі. Дыплом за самы антыэкалагічны праект атрымаў акадэмік Іван Ліштван. Такім чынам яго адзначылі за тое, што ён прапаноўвае маштабнае асушэнне натуральных балот, каб павялічыць здабычу торфу. Торф павінен ісці на забеспячэнне палівам цэментавых заводаў.
Найбольш верагоднае асушэнне балот у заказніках “Дакудаўскі” і “Марочна”, дзе вялікія запасы торфу. Між тым на гэтых тэрыторыях рэалізоўваліся буйныя міжнародныя праекты па аднаўленні гідралагічнага рэжыму. Сам акадэмік Іван Ліштван у інтэрв’ю БелаПАН адзначыў, што эколагі не ведаюць пытання. У выніку рэалізацыі праграмы “Торф” асушаць толькі 0,04% балот.