Праўладнае аб'яднанне “Белая Русь” зменіць назву
Гэта адбудзецца ў сувязі з пераўтварэннем у партыю.
Пра гэта агенцтву БелТА паведаміў старшыня арганізацыі Аляксандр Радзькоў. Стаўшы партыяй, “Белая Русь” будзе перайменаваная ў Беларускую партыю народнага адзінства. Справа ў тым, растлумачыў Аляксандр Радзькоў, што “Белая Русь” – не партыйная назва.
Нагадаем, што рэспубліканскае грамадскае аб'яднанне “Белая Русь” было створана 17 лістапада 2007 году. За некалькі гадоў у афіцыёзную структуру ўступіла больш за 120 тысяч чалавек.
