Польшча прафінансуе краіны Усходняга партнёрства
Урад Польшчы прыняў праграму падтрымкі дэмакратыі ў краінах у стадыі развіцця.
Праграма разлічаная на 2012-2015 год. Спецыяльная ўвага ў ёй будзе надавацца шэрагу былых рэспублік СССР.
Дакумент прадугледжвае фінансаванне дзеянняў, накіраваных на падтрымку дэмакратыі і павагу правоў чалавека ў краінах у стадыі развіцця, адзначае РІА "Новости". Асноўная частка сродкаў будзе накіраваная ў краіны "Ўсходняга партнёрства" ЕС: Арменію, Азербайджан, Беларусь, Грузію, Малдову і Ўкраіну. Таксама сродкі будуць накіраваны ў Кіргізію і Таджыкістан.
Частка дапамогі ў рамках праграмы пойдзе на праекты ў краінах усходняй Афрыкі ды Азіі.