Пефціеў прадаў кампанію, якая займалася экспартам узбраенняў
"Белтэхэкспарт" набыў расійскі бізнесмен Дзмітрый Гурыновіч.
Гэтую інфармацыю "Интерфакс-Запад" пацвердзілі на прадпрыемстве, дзе таксама адзначылі, што "Пефціеў Уладзімір Паўлавіч цалкам спыніў свой удзел у пазначанай групе кампаній".
Нагадаем, адзін з самых вядомых бізнесменаў Беларусі Уладзімір Пефціеў летась патрапіў у "чорны спіс" Еўрасаюза. У чэрвені 2011-га ў дачыненні да трох яго фірмаў Саветам ЕС былі ўведзеныя санкцыі. Гэтае рашэнне прынялі з мэтай узмацнення фінансавага ціску на ўлады Беларусі, каб прымусіць іх спыніць рэпрэсіі супраць апазіцыі. Пасля гэтага Уладзімір Пефціеў падаў чатыры пазовы супраць Савета Еўрасаюза.
Фота — bymedia.net
