Уладзімір Пефціеў падаў чатыры пазовы супраць Савета ЕС
Беларускі бізнэсовец аспрэчвае санкцыі, накладзеныя Еўрасаюзам на яго кампаніі.
Нагадаем, што ў дачыненні да трох фірмаў Уладзіміра Пефціева 20 чэрвеня бягучага года Саветам Еўрасаюза былі ўведзеныя санкцыі. Зараз яго інтарэсы ў чатырох пазовах супраць Савета ЕС прадстаўляе аўтарытэтная літоўская юрыдычная кампанія LAWIN, паведамляе “Ежедневник”.
Пра тое, што Пефціеў накіраваў пазовы, гаворыцца ў нядаўна апублікаваным афіцыйным часопісе Еўрасаюза. Усе яны датаваныя 12 жніўня 2011 года.
Рашэнне Савета ЕС накласці санкцыі на кампаніі Уладзіміра Пефціева было прынята з мэтай узмацнення фінансавага ціску на беларускія ўлады, каб прымусіць іх спыніць рэпрэсіі супраць апазіцыі.
Фота -- bymedia.net
