Павел Барадзін сёння можа пакінуць пасаду сакратара Саюзнай дзяржавы
Ён паведаміў, што адстаўка не звязаная з кіраўнікамі Расіі і Беларусі.
У інтэрв’ю расійскай газеце “Камерсант” Барадзін зазначыў, што прычыну яго сыходу з пасады варта шукаць у атачэнні кіраўнікоў Расіі. Пуціна, Мядзьведзева і Лукашэнку Павел Барадзін назваў “нармальнымі мужыкамі”.
Нагадаем, што чуткі аб хуткай адстаўцы адыёзнага сакратара з’явіліся на пачатку восені. Пазней іх падцвердзіў кіраўнік Беларусі Аляксандр Лукашэнка.
