Палітвязня Каваленку ў турме наведваюць родныя
Спатканне пачалося каля 10 гадзінаў у мінскай турме на вуліцы Валадарскага. Яно працягнецца гадзіну.
З Сяргеем Каваленкам сустракаюцца брат Віталь і сын Валянцін, перадае Радыё "Свабода". Нагадаем, што палітвязень знаходзіцца ў турэмным шпіталі пры сталічнай турме.
Сяргей Каваленка асуджаны на 2 гады і 1 месяц. Яго звінавацілі ў парушэнні рэжыму адбыцця пакарання пасля суда за вывешаны бел-чырвона-белы сцяг на навагодняй елцы ў Віцебску.
