Неўязную ў ЕС суддзю Вольгу Комар адхілілі ад пасады
Адпаведны ўказ Аляксандр Лукашэнка падпісаў 14 студзеня.
Вольга Комар працавала суддзёй Фрунзенскага раёна сталіцы. Як інфармуе nn.by, прычына яе вызвалення ад пасады — заканчэнне тэрміну паўнамоцтваў.
Нагадаем, што Комар атрымала вядомасць як "палітычная" суддзя. У 2011-м яна разглядала першы працэс па справе Плошчы. Тады яна на 4 гады калоніі ўзмоцненага рэжыму асудзіла Васіля Парфянкова. Запомнілася яна таксама судамі над грамадскім актывістам Паўлам Станеўскім, праваабаронцам Паўлам Левінавым — нібыта за лаянку адправіла іх на суткі.
Ёй забаронены ўезд на тэрыторыю ЕС.
Фота — svaboda.org