На волю выйшаў Генік Лойка, асуджаны за абарону беларускай мовы
Скульптар адбыў пяць сутак арышту за тое, што ў Дзень роднай мовы выйшаў з транспарантам супраць русіфікацыі беларускамоўных школаў.
Як паведамляе nn.by, каля турмы на Акрэсціна Геніка Лойку сустракаў дзясятак чалавек. Сярод іх былі вядомы педагог Лявон Баршчэўскі і намеснік старшыні Кансерватыўна-Хрысціянскай партыі БНФ Юры Беленькі.
Лойка кажа, што сядзеў на сутках першы раз. Пад уплывам апошніх падзеяў у яго з’явіліся задумы новых скульптураў. Ён нават зрабіў у турме замалёўкі. Праўда, журналістам напрацоўкі творца пакуль не паказаў: усе свае новыя працы ён спярша паказвае жонцы.
Фота — svaboda.org