Мутнаевока пусціць іншагародніх на свой канцэрт бясплатна
5 чэрвеня ў сталічным “Рэпабліку” адбудзецца вялікі канцэрт гурта, падчас якога будзе прэзентаваны свежы максі-сінгл каманды “Ліхаманка”.
Квіткі на канцэрт зараз можна набыць па 40 тысяч, у дзень канцэрта яны падаражэюць да 50. Дарэчы, для іншагародніх наведвальнікаў канцэрта музыкі падрыхтавалі сюрпрыз: ім можна паслухаць Мутнаевока бясплатна. Для гэтага трэба проста прыхапіць з сабой пашпарт. А набыць квіткі можна ў пераходах на плошчы Якуба Коласа, ля ГУМу і ў самім клубе.
