Моцны вецер не паўплываў на працу Нацыянальнага аэрапорта "Мінск"
Гэты вецер у нашу краіну прынесены цыклонам "Эльфрыда".
Як паведамляе БЕЛТА, рэйсы ў аэрапорце выконваліся ў адпаведнасці з графікам. затрымак ці адменаў рэйсаў не было, кажуць работнікі аэрапорта.
Дарэчы, парывы ветра ў Беларусі сёння дасягалі 15-20 метраў у секунду, а ў асобных раёнах — 22-24 метраў у секунду. Месцамі быў яшчэ і мокры снег.
Чакаецца, што заўтра цыклон адступіць, у краіне ўсталюецца снежнае і марознае надвор'е.
