Місія БДІПЧ АБСЕ абяцае не рабіць з беларускіх выбараў палітыкі
Пра гэта заявіў кіраўнік місіі назіральнікаў БДІПЧ АБСЕ Антоніа Мілашоскі.
Заява прагучала ў чацвер падчас сустрэчы Мілашоскі са старшынём Палаты прадстаўнікоў Уладзімірам Андрэйчанкам, перадае interfax.by. Мілашоскі адзначыў, што назіральнікі місіі БДІПЧ АБСЕ, працуючы на выбарах, будуць зважаць на некалькі пазіцый: "Па-першае, як ішло стварэнне акруговых выбарчых камісій, па-другое — як прайшла рэгістрацыя кандыдатаў у дэпутаты, па-трэцяе — за праверкай праўдзівасці подпісаў у падпісных лістах". Таксама назіральнікі місіі БДІПЧ АБСЕ збіраюцца сачыць за тым, ці даюць СМІ роўныя магчымасці кандыдатам у дэпутаты.
Асаблівую ўвагу назіральнікі збіраюцца надаць датэрміноваму галасаванню.
Па словах Мілашоскі, на наступным тыдні ён наведае Ліду, Гродна, Баранавічы. Таксама ён хацеў бы наведаць Віцебск — радзіму Марка Шагала.
Фота — AP
