Міністр унутраных спраў сцвярджае, што на Някляева напала не міліцыя
Міліцыя не нападала на кандыдата ў прэзідэнты Ўладзіміра Някляева вечарам 19 снежня.
Пра гэта, адказваючы на пытанне Еўрарадыё, заявіў на прэс-канферэнцыі міністр унутраных спраў Анатоль Куляшоў.
"Ці магла міліцыя кандыдату ў прэзідэнты нанесці ўдар, каб вы гэта не зафіксавалі?", - запытаўся ў прысутных журналістаў Куляшоў. Яму нагадалі, што журналістаў паклалі тварам у снег і не далі здымаць тое, што адбывалася. Аднак міністр яшчэ раз падкрэсліў, што супрацоўнікі міліцыі кандыдата ў прэзідэнты не білі.
