Міліцыя трымае магілёўскіх “маўчуноў” пад пільным кантролем
У пачатку кожнага тыдня іх з прафілактычнай гутаркай наведваюць супрацоўнікі міліцыі.
Вядома, што размовы з міліцыянтамі напярэдадні чарговай “маўклівай акцыі” мелі грамадскія актывісты Валадар Цурпанаў, Крысціна Шацікава і Ігар Барысаў.
Міліцыянты імправізуюць анкетаванне і просяць распісацца пад тым, што актывісты папярэджаны аб адказнасці па шэрагу артыкулаў адміністрацыйнага кодэксу.
Сярод гэтых артыкулаў — удзел у масавых мерапрыемствах, дыскрэдытацыя Рэспублікі Беларусь, выкарыстоўванне незарэгістраванай сімволікі і іншыя.
