Максім Мірны і Даніэль Нестар не выйшлі ў трэцяе кола Уімблдона
У другім раундзе спаборніцтваў мужчынскага парнага разраду лепшы тандэм планеты сустракаўся з дуэтам Даніэль Браччыані і Джуліяна Ноўла.
Якому і саступіў у трох сэтах з аднолькавым лікам 4:6. Матч працягваўся 111 хвілін. Максім Мірны ў 16-ы раз прымаў удзел у парных спаборніцтвах Уімблдона. Лепшы вынік - выхад у фінал у 2003 годзе ў дуэце з індыйцам Махешам Бхупаці. Цяперашні партнёр Мірнага Даніэль Нестар раней выйграваў турнір у 2008 і 2009 гадах.
