Магілёўская міліцыя просіць усталяваць у людных месцах відэакамеры
З адпаведнай прапановай праваахоўнікі Магілёўшчыны звярнуліся да мясцовых органаў улады.
Міліцыя хоча, каб усе месцы масавага збору людзей ў гарадах Магілёўскай вобласці былі абсталяваныя камерамі відэаназірання.
Міліцыянты спадзяюцца, што мясцовая ўлада зменіць стаўленне да праблемы відэаназірання пасля красавіцкага выбуху ў мінскім метро. Апроч цэнтральных вуліц віэакамеры мусяць з’явіцца ў гандлёвых цэнтрах, крамах і кавярнях, перадае “Радыё Магілёў”.
