Лідары ЕС з'язджаюцца ў Осла
Менавіта тут у панядзелак адбудзецца цырымонія ўручэння Нобелеўскай прэміі міру. Нагадаем, што сёлета яе лаўрэатам стаў Еўрасаюз.
Нобелеўскі камітэт прысудзіў прэмію ЕС за тую ролю, якую арганізацыя адыграла ў аб'яднанні Еўропы пасля дзвюх сусветных войнаў.
Аднак шмат хто рэзка раскрытыкаваў гэтае рашэнне Нобелеўскага камітэта. Крытыкі зважаюць на тое, што еўразона цяпер у крызісе, якія агаліў сур'ёзныя супярэчнасці паміж краінамі-чальцамі ЕС.
На цырымоніі ў Осла збяруцца каля 20 лідараў краін ЕС, у тым ліку канцлер Нямеччыны Ангела Меркель і прэзідэнт Францыі Франсуа Аланд, адзначае ВВС.
Фота — gorod48.ru
