"Гомель" стаў уладальнікам Кубка Беларусі і пуцёўкі ў Лігу Еўропы
У фінальным матчы ў сталіцы гомельскія футбалісты перамаглі гродзенскі "Нёман" з лікам 2:0.
Героем фінала футбольнага Кубка Беларусі, які прайшоў у нядзелю на мінскім стадыёне "Трактар", стаў Ігар Стасевіч. На 87-й хвіліне, пасля яго прастрэла, Рыбак зрэзаў мяч у свае вароты, а на 90-й хвіліне Стасевіч вызначыўся сам.
Такім чынам, "Гомель" сёлета згуляе ў Лізе Еўропы.