"Галоўнага юдэя" асудзілі, але вызвалілі ў зале суда
Старшыню юдэйскага рэлігійнага аб’яднання Юрыя Дорна прызналі вінаватым у нявыплаце падаткаў і пакаралі двума гадамі калоніі.
Паколькі Дорн год адбыў пад вартай, яму гэта залічылі паводле прынцыпу "адзін год за два", паведамляе Радыё "Свабода". Дорна вінавацілі ў нявыплаце падаткаў і перавышэнні службовых паўнамоцтваў. Па другім абвінавачанні "галоўнага юдэя Беларусі" апраўдалі.
Дзяржаўная абвінаваўца Тацяна Рак прасіла пакараць Дорна 5 гадамі пазбаўлення волі ў калоніі ўзмоцненага рэжыму з канфіскацыяй маёмасці.
Раней, выступаючы ў судзе з апошнім словам, Дорн часткова прызнаў сваю віну — у прыватнасці ва ўхіленні ад выплаты падаткаў.
Фота — svaboda.org
