Фольк-фэст “Камяніца” пройдзе сёння пад Мінскам
Гэта трэці па ліку фэст. Месца яго правядзення — Музей народнай архітэктуры і побыту ў Строчыцах.
Па словах каардынатара імпрэзы Сяргея Чыгрынца, наведвальнікаў чакае шмат сюрпрызаў, “разнастайная і моцная музычная праграма ад самага пачатку фэста”. Так, адкрыюць фэст фальклорны тэатр “Госціца” і гурт “Стары Ольса”. На змену ім на сцэне з’явяцца гурты “Хоха Бэнд”, “Ветах”, дуэт “Аляксандра і Канстанцін”. У якасці хэдайнераў сёлета выступяць Osimira і Троіца. Завершыць фэст дыджэйскі сэт лідара ўкраінскага гурта Воплі Відаплясава Алега Скрыпкі.
