Даля Грыбаўскайтэ хоча пачуць праўду пра "цацачны дэсант"
Прэзідэнтка Літвы звярнулася да сілавікоў з рэзкім заклікам.
Па словах Грыбаўскайтэ, якія перадае партал DELFI.lt, інцыдэнт варта падзяліць на дзве часткі — перасячэнне літоўскай мяжы і тое, што адбывалася на тэрыторыі краіны. Яна паабяцала, што інфармацыю пра парушэнне дзяржаўнай мяжы паведамяць грамадству і шведскім парваахоўнікам пасля таго, як скончыцца расследаванне.
Разам з тым, кажа прэзідэнт Літвы, не трэба маніць. Гэты зварот яна адрасавала літоўскім палітыкам і службам, якія далі нямала супярэчлівай інфармацыі пра палёт шведскага самалёта з Літвы ў Беларусь.
Нагадаем, што літоўскія памежнікі і Мінабароны спачатку адмаўлялі факт незаконнага перасячэння паветранай мяжы. Пазней з'явілася інфармацыя, якая пацвярджае гэты факт. Расследаванне справы яшчэ не завершана.
Фота — ru.delfi.lt
