Беларуская доля МТС будзе выстаўлена на міжнародны гандаль
Пра гэта заявіў сёння журналістам намеснік прэм'ер-міністра Беларусі Анатоль Калінін.
Каментуючы планы па продажы дзярждолі ў беларускім сотавым аператары МТС, віцэ-прэм'ер адзначыў, што "гэты пакет будзе выстаўлены на міжнародны гандаль".
Анатоль Калінін нагадаў, што раней ад расійскай кампаніі МТС у Беларусь паступіла прапанова пра куплю кантрольнага пакета беларускай кампаніі МТС. "Вяліся перамовы, але мы не дамовіліся па кошце", - распавёў ён.
У прыватнасці, віцэ-прэм'ер растлумачыў, што расійская кампанія прапанавала Беларусі аплаціць толькі частку пакета, а затым выконваць даплату ў залежнасці ад рэйтынгу сотавага аператара на сусветным рынку. Аднак беларускі бок настойваў на аплаце ўсяго пакета.
