БАТЭ згуляе ў гасцях з "Фенербахчэ" пры пустых трыбунах (фота, відэа)
У чацвер, 21 лютага, каманда Віктара Ганчарэнкі правядзе ў Стамбуле матч 1/16 фінала Лігі Еўропы.
Жывая трансляцыя гульні "Фенербахчэ" — БАТЭ запланаваная на тэлеканале "Беларусь-2", пачатак у 22.55 па беларускім часе. Яна, дарэчы, пройдзе пры пустых трыбунах.
Нагадаем, у першым матчы, які прайшоў 14 лютага ў Гродне, была зафіксавана нулявая нічыя.
У сераду футбалісты БАТЭ правялі трэніроўку на арэне "Фенербачхэ". Як інфармуе прэс-служба БАТЭ, ужо вядома, што не згуляюць Павел Няхайчык і Міхаіл Сівакоў, якія працягваюць аднаўляцца пасля атрыманых пашкоджанняў.
Фота — fcbate.by