Асуджаны за "маўчанне" актывіст трымае галадоўку ў Жодзіне
Максім Вінярскі галадае ўжо восьмы дзень. Яго асудзілі 7 ліпеня і пакаралі 15 суткамі арышту.
Ужо на другі дзень галадоўкі ў Вінярскага пачаліся праблемы са здароўем, расказала сястры Вінярскага Алене Церашковай ягоная адвакатка.
Галадоўку Максім Вінярскі пачаў яшчэ на Акрэсціна, паведамляе “Радыё Свабода”. Зараз ён знаходзіцца ў жодзінскім ізалятары. На свабоду Максім выйдзе толькі 21 ліпеня.
