Амбасада: Балгарскі міністр не сустракаўся з кіраўніком Беларусі
Міністр замежных спраў Балгарыі Мікалай Младэнаў не сустракаўся з Аляксандрам Лукашэнкам.
Пра гэта заявіла амбасада Балгарыі ў Беларусі, паведамляюць інфармацыйныя агенцтвы.
Нагадаем, што паводле інфармацыі Reuters, такая сустрэча адбылася на мінулым тыдні ў Мінску. На ёй нібыта кіраўнік Беларусі абяцаўся вызваліць палітвязняў на працягу паўтара месяцаў і правесці круглы стол з апазіцыяй. Таксама паведамлялася, што пра ўсё гэта Младэнаў распавёў у лісце кіраўніку замежнай палітыкі Еўрасаюза Кэтрын Эштан і міністрам замежных спраў еўрапейскага блока.
Reuters адзначыла, што Лукашэнка вырашыў скарыстацца паслугамі Балгарыі для перамоваў з Еўрасаюзам пасля таго, як ад гэтай ролі адмовіліся Італія і Літва.