Абаронцы Севастопальскага парку ў Мінску засталіся без памяшкання
Ініцыятары рэферэндуму ў абарону Севастопальскага парку не змаглі знайсці ў Першамайскім раёне памяшканне для сходу ініцыятыўнай групы.
Школы і жыллёва-эксплуатацыйныя службы раёна кажуць, што дазвол на вылучэнне памяшкання можа даць толькі адміністрацыя раёна. У сваю чаргу, адміністрацыя Першамайскага раёна заяўляе, што не мае магчымасці даць памяшканне для правядзення сходу ініцыятыўнай групы. Арганізатары рэферэндума плануюць звярнуцца з гэтай нагоды ў Мінгарвыканкам.
Адзначым, што згодна з генпланам Мінска да 2030 года праз Севастопальскі парк плануецца правесці трэцяе кола аўтадарогі. Каб не дапусціць гэтага, арганізацыя "Еўрапейская перспектыва" зладзіла збор подпісаў для правядзення рэферэндума па гэтым пытанні.
