70 тысяч чалавек пратэставалі ў Парыжы супраць аднаполых шлюбаў
Акцыі пратэсту прайшлі 17 лістапада па ўсёй Францыі, агулам паліцыя налічыла 100 тысяч іх удзельнікаў.
Гэтае мерапрыемства насіла агульную назву “Марш для ўсіх”, што яўна намякала на ініцыятыву французскага прэзідэнта Франсуа Аланда “шлюб для ўсіх”. У акцыі прымалі ўдзел сябры грамадскіх аб’яднанняў і рэлігійных суполак, перадаюць інфармагенцтвы.
Адным з лозунгаў стаў выраз “тата плюс мама раўняецца дзіця”. Такім чынам удзельнікі выказвалі недазавальненне жаданнем ураду прыняць папраўкі, якія выключаюць з Грамадзянскага кодэксу словы “маці” і “бацька” з заменай на “бацька адзін” і “бацька два”.
Легалізацыя аднаполых шлюбаў была адным з пунктаў перадвыбарчай праграмы Аланда. Адпаведны законапраект атрымаў ухвалу ўраду на мінулым тыдні. Чакаецца, што адразу пасля новага году да разгляду дакумента прыступіць нацыянальны парламент.
