Рэдактар “Советской Белоруссии” прапанаваў меней гаварыць пра Расію

Рэдактар “Советской Белоруссии” прапанаваў меней гаварыць пра Расію

Рэдактар найбуйнейшай дзяржаўнай газеты “Советская Белоруссия” Павел Якубовіч прапаноўвае беларускім СМІ больш засяродзіцца на ўнутраных падзеях, а не абмяркоўваць палітыку і шоў-бізнэс у Расіі. Такую заяву ён зрабіў у праграме “Клуб рэдактараў” на тэлеканале “Беларусь-1”.

“Час нам, грамадзянам Беларусі, менш жыць жыццём іншай дзяржавы. Што нам гэтая гнюсная гісторыя вакол фільма “Мацільда”? Усе гэтыя звар’яцелыя барацьбіты, ваяўнічыя крыжакі… Нам гэта навошта? У нас гэтага няма і быць не павінна. Што нам гісторыя з гэтай Сабчак?” — заявіў ён.

Якубовіч адзначыў, што Беларусь ужо 25 год з’яўляецца незалежнай еўрапейскай дзяржавай, якой не варта жыць “дробнымі жарсцямі нейкіх маскоўскіх акцёраў, нейкімі скандальчыкамі”.

“Давайце жыць беларускім сёння і тут. У нас адбываюцца не такія глабальныя і скандальныя падзеі, але мы жывем сваім жыццём, каб зрабіць наша жыццё нармальным … Я гатовы гаварыць пра калег Лябедзьку, Статкевіча і іншых з нашмат большай цікавасцю, чым гісторыі Сабчак, нараджэннем ці гібеллю нейкай зоркі ў Расіі. Мы павінны ўрэшце разумець, што мы краіна”, — сказаў галоўны рэдактар “Советской Белоруссии”. 

 

Апошнія навіны

Галоўнае

Выбар рэдакцыі