Рассельгаснагляд адмяніў санкцыі супраць гомельскага прадпрыемства
Рассельгаснагляд з 29 ліпеня адмяняе санкцыі на пастаўкі ў Расію прадукцыі беларускага прадпрыемства ААТ "Гомельскі бялкова-тлушчавы завод". Пра гэта паведамляецца на сайце расійскага ведамства.
Рашэнне пра адмену санкцыяў было прынятае на падставе матэрыялаў з беларускага боку, які правёў расследаванне і прыняў меры для выпраўлення парушэнняў. Акрамя таго, Дэпартамент ветэрынарнага і харчовага нагляду беларускага Мінсельгасхарчу даў свае гарантыі.
Прадукцыя, пастаўленая ў Расію, павінна быць выпрацаваная з 29 ліпеня 2019 года і суправаджацца электронным ветэрынарным сертыфікатам.
Гомельскі бялкова-тлушчавы завод вырабляе мяса-касцявую муку, кармавы і тэхнічны жывёльны тлушч.
