Вы тут

Расійскія войскі спрабуюць захапіць Чарнобыльскую АЭС — Зяленскі

Чарнобыльская АЭС / Еўрарадыё​

Расійскія войскі спрабуюць захапіць Чарнобыльскую АЭС, заявіў прэзідэнт Украіны Уладзімір Зяленскі ў Twitter.

Паводле яго слоў, украінскія вайскоўцы "аддаюць жыццё, каб трагедыя 86-га года не паўтарылася".

"Гэта абвяшчэнне вайны ўсёй Еўропе", — адзначыў Уладзімір Зяленскі.

Мінулай ноччу прэзідэнт Расіі Уладзімір Пуцін абвясціў аб пачатку "спецыяльнай ваеннай аперацыі". Пасля чаго пачалося ўварванне расійскіх войскаў ва Украіну. Памежная служба Украіны днём у чацвер заявіла, што вымушана адбіваць атакі ў Луганскай, Чарнігаўскай, Сумскай, Харкаўскай, Жытомірскай, Херсонскай, Адэскай абласцях.

Жытомірская, а таксама часткова Чарнігаўская вобласці мяжуе з Беларуссю, дзе, нагадаем, таксама знаходзяцца расійскія падраздзяленні, якія так і не пакінулі беларускую тэрыторыю пасля завяршэння сумесных вучэнняў.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.