Расійскі шпіён, які ў Нарвегіі выдаваў сябе за бразільца, нарэшце прызнаўся
Міхаіл Мікушын і яго затрыманне / vg.no
Расійскі шпіён, які ў Нарвегіі выдаваў сябе за бразільца, прызнаў сваё імя і грамадзянства РФ, піша vg.no. Міхаіла Мікушына затрымалі больш за год таму. Ён жыў на Захадзе па фальшывых дакументах і выконваў заданні з Масквы.
Расійскага шпіёна, які выдаваў сябе за "даследчыка з Бразіліі Хасэ Асіс Джамарыя", паліцыя затрымала ў Нарвегіі восенню 2022-га. Затрыманы ўпарта называў сябе "бразільцам". Ён прыехаў у Нарвегію восенню 2021-га як запрошаны даследчык аднаго з універсітэтаў, увайшоў у групу, якая займалася ў тым ліку даследаваннямі гібрыдных пагроз. А яшчэ "бразілец" цікавіўся "пытаннямі бяспекі" на поўначы Нарвегіі. Яму выстаўленыя абвінавачванні ў незаконнай выведцы, якая можа пагражаць асноватворным нацыянальным інтарэсам Нарвегіі і бяспецы іншых краін.
Мікушын ужо атрымаў консульскую дапамогу расійскага пасольства. Праўда, афіцыйна расійскія дыпламаты яшчэ не пацвердзілі, што затрыманы ў Нарвегіі з'яўляецца Міхаілам Мікушыным.
Remember the misfortune GRU illegal who was arrested last year in Norway? For > a year he claimed he was a Brazilian researcher named Jose and not a Russian spy named Mikhail Mikushin? Well he finally admitted who he is, and asked for consular assistance: https://t.co/csGwHKbd9r https://t.co/4WepTeRvVZ
— Christo Grozev (@christogrozev) December 13, 2023
