Расійскі лётчык — пра ракетны ўдар па жылым доме ў Дняпры: Якія людзі?
![Шматпавярховік у Дняпры пасля разбору завалаў / https://www.facebook.com/MNS.GOV.UA/](/sites/default/files/styles/gallery_main/public/2023-08/326162853_1192065931505489_1716871264526887363_n.jpg.webp?itok=vXpdc9QG)
Шматпавярховік у Дняпры пасля разбору завалаў / https://www.facebook.com/MNS.GOV.UA/
"Важные истории" паспрабавалі пагаварыць з расійскімі лётчыкамі, якіх СБУ падазрае ў дачыненні да ракетнага ўдару па Дняпры. Там быў знішчаны пад'езд шматпавярховага жылога дома, загінулі больш за 40 чалавек, сярод іх — дзеці. Ва Украіне ў дачыненні шасці расіян распачата крымінальная справа па артыкуле "парушэнне законаў і звычаяў вайны".
Згаданыя лётчыкі служаць у 52-м авіяцыйным палку, які дыслакуецца ў Шайкоўцы ў Калужскай вобласці РФ. Журналісты патэлефанавалі ім, толькі двое пагадзіліся адказаць на пытанні. Маёр Аляксей Іваненка заявіў, што "звольніўся з арміі тры гады таму". Начальнік штабу авіяцыйнай эскадрыллі Дзмітрый Галянкоў вельмі нерваваўся: "Што, я проста, б..., на кнопку націскаў або ў гэтым самалёце сядзеў?". Калі ў яго спыталі, ці не шкада загінулых людзей, афіцэр заявіў: "Якія людзі? Пра што ты наогул кажаш, я не разумею?".
Дозвонились обвиняемым в ракетных ударах по Днепру. Просто почитайте их ответы.https://t.co/uik3wlDTXh pic.twitter.com/946w2sv2av
— Важные истории (@istories_media) January 16, 2023
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.