Расійская ракета ўпала ў 300 м ад Паўднёваўкраінскай АЭС — Зяленскі
Месца падзення ракеты каля ПАЭС / @energoatom_ua
Прэзідэнт Украіны Уладзімір Зяленскі апублікаваў відэа прылёту ракеты ў раён Паўднёваўкраінскай атамнай электрастанцыі. Паводле яго слоў, гэта была расійская ракета, і яна ўпала ў 300 метрах ад станцыі. Было кароткачасовае адключэнне электраліній, у будынках на тэрыторыі АЭС пашкоджаныя вокны.
Ва ўкраінскім "Энергаатаме" ўдакладнілі, што пасля кароткачасовага адключэння тры лініі аўтаматычна ўключыліся ў сетку. І цяпер "усе тры энергаблокі АЭС працуюць у штатным рэжыме". Пашкоджанняў або разбурэння абсталявання няма, пажары таксама адсутнічаюць. Людзі не пацярпелі.
