Расіяне спрабавалі вывезці з Беларусі яблыкі, замаскіраваныя пад чыпсы
![Расіяне спрабавалі вывезці з Беларусі яблыкі, замаскіраваныя пад чыпсы](/sites/default/files/styles/gallery_main/public/2023-08/jab_1.jpg.webp?itok=bKAxRdfz)
Расійскі перавозчык спрабаваў вывезці з Беларусі болей за 20 тон яблыкаў пад выглядам чыпсаў. Супрацоўнікі Аператыўнай мытні затрымалі фуру з грузам каля вёскі Юховічы Расонскага раёна.
У фуры маркі Renault яны знайшлі палеты з садавінай, замаскіраваныя шэрагам скрыняў з чыпсамі. На яблыкі не было дакументаў, у тым ліку адсутнічалі фітасанітарныя сертыфікаты. Агульны ацэначны кошт грузу склаў каля 25 тысяч беларускіх рублёў, паведамляе сайт Аператыўнай мытні.
Расіянам, якія арганізавалі незаконную перавозку груза, цяпер пагражае штраф у памеры да 50% ад кошту канфіскаванага тавара.