Расіянін спрабаваў праз РБ вывезці дзіця за мяжу па падробленым пашпарце
![На пашпартным кантролі](/sites/default/files/styles/gallery_main/public/2024-04/snimok_ekrana_2024-04-19_112642.png.webp?itok=OZYXPEA8)
На пашпартным кантролі / @gpkgovby
Беларускія памежнікі затрымалі ў Нацыянальным аэрапорце "Мінск" грамадзяніна Расіі. Ён быў з дзіцем, дзяўчынкай паўтара года. Пашпарт дачкі аказаўся падробленым.
Мужчына пазней патлумачыў, што знаходзіцца ў працэсе разводу. Сапраўдны пашпарт дзіцяці застаўся ў жонкі. Каб вывезці дачку за мяжу, мужчына вырашыў купіць падроблены дакумент у Інтэрнэце.
У ДПК удакладнілі, што інцыдэнт адбыўся ў мінскім аэрапорце яшчэ 25 сакавіка. Мужчына накіроўваўся ў Егіпет, рэгістраваўся на рэйс "Мінск — Шарм-Эль-Шэйх". У выніку парушальніка перадалі супрацоўнікам МУС, а дзіця вярнулі маці.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.