Расіяне атакавалі ракетамі Днепрапятроўскую вобласць, сярод загінулых — дзеці
![Наступствы расійскай ракетнай атакі ў Дняпры](/sites/default/files/styles/gallery_main/public/2024-04/ukr_19_04.jpg.webp?itok=wAAni31p)
Наступствы расійскай ракетнай атакі ў Дняпры / @dnipropetrovskaODA
Васьмігадовы хлопчык памер раніцай у шпіталі ад ран, якія ён атрымаў падчас расійскай ракетнай атакі на Днепрапятроўскую вобласць. Пра гэта піша Hromadske са спасылкай на кіраўніка абласной вайсковай адміністрацыі Сяргея Лысака. Дзіця жыло ў Сінельнікава, гэты населены пункт таксама апынуўся пад ударам. Пазней Лысак удакладніў, што загінулі яшчэ два дзіцяці, дзяўчынцы было 14 год, хлопчыку 6. Усяго ў Сінельнікава загінулі 6 чалавек, яшчэ 6 пацярпелі.
Пацярпелыя ёсць у Крывым Рогу і Дняпры. У Дняпры на дадзены момант вядома пра двух загінулых і 15 параненых. Прадстаўнік рэгіёну кажа, што ўсяго над вобласцю ўкраінскім СПА ўдалося знішчыць гэтай ноччу і раніцай 11 ракет. Але былі і трапленні.
У Дняпры гарэла пяціпавярхоўка. Яна часткова разбурана. Пашкоджаны таксама два інфраструктурных аб'екта. Пад заваламі пяціпавярхоўкі яшчэ могуць заставацца людзі, адзначыў Лысак.
Адзначым, што раніцай у Стаўрапольскім краі Расіі разбіўся стратэгічны бамбавік Ту-22М3. У Мінабароны Расіі паведамілі, што ён пацярпеў катастрофу пасля "выканання баявой задачы пры вяртанні на аэрадром базавання".
![Россияне атаковали ракетами Днепропетровскую область, среди погибших — дети](/sites/default/files/styles/default_image_paragraph/public/paragraphs/image/ukr_19_04_3_1.jpg.webp?itok=WEscvuq5)
![Россияне атаковали ракетами Днепропетровскую область, среди погибших — дети](/sites/default/files/styles/default_image_paragraph/public/paragraphs/image/ukr_19_04_4.jpg.webp?itok=5L7VA0Ds)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.