П'яны вясковец пашкодзіў бензапілой дзве іншамаркі, якія ехалі яму насустрач
Ва Уздзенскім раёне на мужчыну пачалі крымінальную справу за хуліганства — ён пашкодзіў бензапілой два аўтамабілі. Пра гэта агенцтву БЕЛТА паведаміў начальнік аддзялення інфармацыі і грамадскіх сувязей УУС Мінаблвыканкама Яўген Сачак.
Беспрацоўны жыхар вёскі Маковішчы вырашыў пашукаць працу ў аграгарадку Літвяны. Мужчына шукаў кліентаў і ішоў па вуліцы з заведзенай бензапілой. Сам вясковец пры гэтым быў нецвярозы.
Потым, як паведамляе міліцыя, з хуліганскіх меркаванняў мужчына пашкодзіў бензапілой аўтамашыны "Аўдзі 80" і "Пежо J5". Аўтамабілі пры гэтым ехалі насустрач яму па вуліцы.
