П'яны трактарыст пад Брэстам уцякаў ад пагоні ДАІ і ўрэзаўся ў плот
![П'яны трактарыст пад Брэстам уцякаў ад пагоні ДАІ і ўрэзаўся ў плот](/sites/default/files/styles/gallery_main/public/2023-08/traktar-2212.jpg.webp?itok=0gWQhWHD)
У вёсцы Шыкілі Брэсцкага раёна пасля пагоні затрымалі п'янага трактарыста, паведамляе прэс-служба абласной ДАІ.
Інцыдэнт здарыўся ўвечары 18 снежня, каля 18:30. Увагу даішнікаў прыцягнуў трактар "Беларус", які ехаў, віляючы з боку ў бок. Інспектары падалі кіроўцу сігнал спыніцца, але трактарыст праігнараваў іх патрабаванне. Пасля нядоўгай пагоні трактар урэзаўся ў плот жылога дома. Кіроўца вылез з кабіны і паспрабаваў уцячы ў лес, але праз некалькі хвілін яго затрымалі.
Высветлілася, што за рулём быў 35-гадовы мясцовы жыхар. Мужчына патлумачыў, што выпіў пасля працоўнага дня і ехаў дадому. Медагляд паказаў 2,7 праміле алкаголю.
На парушальніка склалі некалькі адміністрацыйных пратаколаў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.