Вы тут

П'яны 18-гадовы кіроўца мікрааўтобуса разбіўся пад Кобрынам

Аўтааварыя пад Кобрынам / прэс-служба МУС

14 верасня ў Кобрынскім раёне 18-гадовы жыхар вёскі Бельск трапіў у ДТЗ, паведамляе прэс-служба МУС. 

Хлопец быў нецвярозы (0,6 праміле) і не меў правоў кіравання, аднак сеў за руль мікрааўтобуса "Пежо Баксёр". Каля 18:00 на 13-м кіламетры аўтадарогі Н-846 "Забава — Навасёлкі — Ліпава" ён з'ехаў у правы кювет і ўрэзаўся ў дрэвы. 

Кіроўцу і 15-гадовага пасажыра з траўмамі шпіталізавалі ў лякарню. 

Паводле звестак МУС, за мінулыя выхадныя супрацоўнікі ДАІ выявілі па ўсёй Беларусі больш за 150 нецвярозых кіроўцаў.

Аўтааварыя пад Кобрынам / прэс-служба МУС

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.