Пуцін з Лукашэнкам пакаталіся ў Сочы на лыжах (відэа)

Пуцін з Лукашэнкам пакаталіся ў Сочы на лыжах (відэа)

Уладзімір Пуцін на перамовах у Сочы выказаў надзею, што Аляксандр Лукашэнка зможа вылучыць час і пакатацца на горных лыжах у перапынку перамоваў. "Пагутарым у такой нефармальнай абстаноўцы, у нас будзе магчымасць сустрэцца і сёння, пагаварыць і заўтра, і паслязаўтра. Спадзяюся, у вас будзе час, каб хоць трошкі адпачыць, хоць бы некалькі гадзін", — цытуе ТАСС словы расійскага кіраўніка.

На гэта Лукашэнка заявіў, што ўжо з раніцы пакатаўся на горных трасах: "Дзякуй за тыя трасы, якія былі падрыхтаваныя, і суправаджаючыя асобы, якія разам са мной прыехалі, вельмі задаволеныя былі. Мы ўжо пракаціліся па трасах сочынскіх: для мяне гэта родны дом".

Беларускі кіраўнік нагадаў, што наша дзяржава мае ў горным кластары ў Сочы два гатэлі і асабнякі, запоўненыя турыстамі.

Перамовы кіраўнікоў Беларусі і Расіі ў Сочы працягнуцца да 15 лютага. 

Больш важных навінаў у праграме "Петарда" 13.02:

Апошнія навіны

Галоўнае

Выбар рэдакцыі