Вы тут

Пскоўскія мытнікі затрымалі 170 тысяч пачкаў цыгарэтнай кантрабанды з Беларусі

Кантрабанда з Беларусі / sztu.customs.gov.ru

Цыгарэтную кантрабанду з Беларусі выявілі пскоўскія мытнікі. У аўтамабілі з двайным грузавым адсекам везлі 170 тысяч пачкаў немаркіраваных беларускіх цыгарэт. 

Паводле дакументаў, аўтамабіль ехаў прад мытню ў Себежскім раёне парожнім. 

"Пры правядзенні праверачных мерапрыемстваў у пярэдняй частцы грузавога адсека была выяўленая перагародка, якая імітуе вонкавую сценку паўпрычэпа. Пры ўскрыцці грузавога аддзялення за фальшывай сценкай выяўлена 340 каробак з цыгарэтамі беларускай вытворчасці", — распавёў прадстаўнік Пскоўскай мытні Альберт Скосыраў.

Прыблізны кошт цыгарэтнай кантрабанды перавышае 9 мільёнаў расійскіх рублёў (больш за 120 тысяч долараў).

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.