Прызначаны новы галоўны трэнер БАТЭ
![Прызначаны новы галоўны трэнер БАТЭ](/sites/default/files/styles/gallery_main/public/2023-08/20191209114038.jpg.webp?itok=6Ucq3Gf4)
Прызначаны новы галоўны трэнер БАТЭ. Як і чакалася, ім стаў 37-гадовы Кірыл Альшэўскі, які ў мінулым сезоне паспяхова працаваў з дублем барысаўчан — ён выйграў турнір. У ФК БАТЭ спадзяюцца, што з Альшэўскім і яго "свежымі ідэямі" каманда атрымае "магутны імпульс" у сваім развіцці і будзе вырашаць "самыя сур'ёзныя задачы". Ад спецыяліста чакаюць кроку наперад і ў якасці гульні, і ў выніках.
Альшэўскі — ураджэнец Барысава. У сістэме БАТЭ ён з перапынкам працуе з 2006 года і не толькі трэнерам — быў менеджарам, намеснікам генеральнага дырэктара па спартыўных пытаннях. У 2009-м Кірыл Альшэўскі кароткі час выконваў абавязкі галоўнага трэнера мінскага "Дынама". Ён мае трэнерскую ліцэнзію УЕФА катэгорыі PRO.
Альшэўскі змяніў 38-гадовага Аляксея Багу, які трэніраваў каманду з 2018-га. Пры ім БАТЭ ўпершыню за апошнія 14 гадоў не стаў чэмпіёнам Беларусі. З каманды сышлі таксама трэнеры Дзмітрый Молаш і Валерый Тарасенка.
Кирилл Альшевский - новый главный тренер ФК БАТЭ!https://t.co/0rY4oddBug
— FC BATE Borisov (@FCBATE) 31 декабря 2019 г.
Удачи, Кирилл Петрович! pic.twitter.com/zul7lbsNx4
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.