Прынц Уільям і герцагіня Кейт паказалі свайго нованароджанага сына (фота)

Прынц Уільям і герцагіня Кембрыджская Кейт Мідлтан паказалі свайго нованароджанага сына. Яны выйшлі з ім на ганак лонданскай бальніцы Сэнт-Мэры і пазіравалі перад фатографамі.

Хлопчык нарадзіўся 23 красавіка. Гэта трэцяе дзіця ў сям’і. Імя прынца яшчэ не агучанае, ён будзе пятым у чарзе прэтэндэнтам на брытанскі трон. Раней у прынца Уільяма і герцагіні Кейт (каралеўская пара ўзяла шлюб сем гадоў таму) нарадзіліся прынц Джордж (у 2013-м) і прынцэса Шарлота (у 2015-м годзе).