Прэс-сакратар Пуціна — пра сустрэчу Ціханоўскай і Макрона
Прэс-сакратар расійскага прэзідэнта Дзмітрый Пяскоў пракаментаваў сустрэчу ў Вільні прэзідэнта Францыі Эмануэля Макрона і Святланы Ціханоўскай. Пытанне аб ацэнцы гэтай падзеі ў Крамлі яму задала радыёстанцыя "Эхо Москвы".
"Прэзідэнт Францыі сустрэўся з грамадзянкай Беларусі, — кажа Пяскоў. — Інакш мы ацэньваць гэта не можам".
"Гэта права прэзідэнта Францыі, і грамадзянкі Беларусі, — працягвае прэс-сакратар. — Мы паважаем права і яго, і яе".
Французскі прэзідэнт паабяцаў Святлане Ціханоўскай дапамагчы ў справе вызвалення палітвязняў у Беларусі. Ён спадзяецца, што дзякуючы падключэнню АБСЭ ўдасца распачаць дыялог паміж уладамі і апазіцыяй у нашай краіне з мэтай правядзення новых выбараў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.