Вы тут

Прэм’еру “Купалы” прызначылі на другую палову верасня 2020-га

Мікалай Шастак (Янка Купала) / minsknews.by 

Прэм’еру гістарычнага блокбастара “Купала” прызначылі на другую палову верасня 2020-га, інфармуе minsknews.by. Яе пераносілі некалькі разоў. Выказваліся меркаванні, што ў Мінску "не хочуць дражніць Крэмль". Фільм, відаць, ужо паглядзеў Аляксандр Лукашэнка, хаця сваім меркаваннем публічна яшчэ не падзяліўся.

Мастацкі фільм прысвечаны лёсу народнага паэта Беларусі Янкі Купалы і станаўленню беларускай інтэлігенцыі ў пачатку мінулага стагоддзя.

"Купала" рэжысёра Уладзіміра Янкоўскага лічыцца самым маштабным праектам "Беларусьфільма" за апошнія гады. Бюджэт складае мільён еўра.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.